JOJO CAMP嘅誕生

2020年​武漢肺炎來襲，國際航線暫停，大多數小市民都因為咁而無得出國旅行 。就係咁，香港人反而去多咗唔同嘅地方行山、露營、觀星等等，與此同時驚覺原來香港仲有好多未被我哋發掘嘅山林秘境等住我哋去欣賞，去放空。
就係因為咁，我哋三位創辦人就走埋咗一齊啦。係呢段時間入面，我哋一齊去露營，有初哥，有老手。其間發現原來一個初哥想去露營都真係唔簡單，由路線嘅規劃，露營地點嘅選擇、裝備嘅購買、營具嘅存放，使用方法等等都好很難同好很麻煩。
我明!我哋真係明!亦都係因為呢樣野，JOJO CAMP正式成立!

我哋嘅成立就係想提供一條龍嘅露營服務，等大家唔駛經歷我哋嘅苦惱。
我哋會按你嘅需要建議合適嘅露營地點，亦有露營用具租借服務。由入門裝備到其他裝備都有得租賃，等大家唔駛心大心細，衝動買完得個擺字，然後再因為土地問題而無位存放，造成浪費。租完試過用過啱嘅，亦都可以用優惠價格帶你中意嘅玩具返屋企。當然啦，我哋都會教埋你點用，唔駛去到面懵懵。

希望由新手初哥升Lv至露營老手都可以享受大自然帶比我哋果種舒暢，留住大家睇到靚景果時嘅感動。

JOJO CAMP有咩好先？立刻睇吓=)

當面檢查及講解

每次您哋租賃露營用品，

我哋會先了解您哋過往露營/使用相關營具經驗，

再同您哋約個交收時間上我哋門市逐一講解及檢查所有露營用品。

乾淨

每次客人歸還營具後，

我哋會按營具種類安排清洗、晾曬、消毒，

有人會話營具唔應該咁處理，會有人覺得我哋唔專業，

但我哋為嘅係想大家用嘅時候更放心，

情願營具損耗較快都想清潔得徹底Ｄ先交比您哋用。

交收方便

我哋門市選址係諗過度過，

港鐵站/鳴琴巴士站行５分鐘左右就到，

因為我哋相信冇人想未出發，先流汗！

我哋亦提供屯馬線沿線交收服務，

如果有特殊需要，可以幫客人call車送貨，

最緊要方便到您哋！

客製化套餐

除左設計左唔同種類嘅露營套餐比您哋揀之外，

我哋明白每個人嘅露營需要都好唔同，

我哋亦都可以按照您哋嘅需要設計返一個專屬套餐比您哋！

彈性安排

世事難料，天氣不似預期，

如果預計去露營當日天氣酷熱/落大雨，

或者（天文台會發出雷暴/紅色/黑色暴雨警告/三號風球或以上）

又或者有Ｄ好特別嘅事要做/撞左期，

可以出發前一日或以上同我哋申請改期，

3個月內可以用返你未用嘅租借服務。

客人回圖

多謝客人分享佢哋嘅開心片段，

我哋亦會按客人需要曬返張相比客人留念㗎！