常見問題
傻豬黎嘅,緊係有啦!
如果你哋租完用過覺得都適合自己,想帶佢哋返屋企的話,係可以用優惠價嚟買返㗎=)
如有興趣,歸還營具時可以同我哋講,付款後可以直接帶埋返屋企!
只需要提供電話號碼同送貨地址用嚟聯絡,
如果有使用到學生會優惠的話就要出示返相關証明文件。
另外如果係拎租借用品果陣,
選擇咗支付較低嘅按金需要提供身份證明文件以作紀錄,
有關按金,請睇下一條FAQ
***所有個人資料只作本公司內部紀錄用途***
租借品歸還後,經我地公司職員檢查後如無損壞,按金將全數退還。
簡單D嚟講,按金係你哋嘅抵押品,
當你哋將借用品無穿無爛咁還返嚟嗰時就會俾返你哋。
當然啦,整爛野就要係入面扣返㗎啦。
簡單道理,係咪?
(如使用現金/HSBC銀行轉帳退還按金免手續費,
如選擇以其他方式收回按金需劃一收取按金的5%作支付相關公司的手續費)
放心,我哋唔會咁無品,將D損壞左嘅裝備再租出去!
我哋每次執露營用品俾你哋嗰陣都會開晒D嘢出嚟檢查一次先,
確保全部野都係乾淨同埋可以正常使用先會借比你哋,
(每個非Office交收之客人可按需要要求我哋提供一段由檢查至Packing之短片)
另外,每次你哋歸還用品後我哋都會檢查㗎,
如果D裝備有問題唔再適合借出,我哋會將佢回收/棄置,
然後換返D新嘢落去,我哋有Double Check㗎,請放心!
我哋租出所有嘅用品係每次收返嚟之後都會全面清潔同消毒,
確保衛生,以保障返大家嘅。
收返嚟嘅所有嘢都會先清理沙石/垃圾,
之後會用清潔劑以及水槍作噴洗,
完成後交由偉大嘅太陽伯伯曬乾,
然後再用消毒酒精噴&抹多次後吹乾,
最後檢查後收拾,
所以都請咁多位愛惜借用嘅露營用品,
如因人為導致借用物品出現無法復原之損毀/污漬,
本公司會保留收取賠償費用嘅權利。
我哋會要求顧客提供租借露營用品嘅時段。
領取露營用品之日期:
顧客最早可喺租借日期前1日拎到已Confirm Booking嘅營具
歸還露營用品之日期:
於租借時段結束嘅當天/之後1日內須交還露營用品。
領取/歸還露營用品之日期及時間:
交收時間係彈性,因租用營具客人較多,我哋會同各位客人夾返個別嘅交收時間,
請盡量於租用期前3日或之前與我們預約確實領取營具嘅日期同時間,
我哋明白歸還時間較難預計,
請盡量於預定歸還日期前1日或之前同我哋預約確實歸還營具時間,
我哋會盡量安排配合,
但如果當日較多預約,我哋或會將歸還日期延後1-2日(經我們同意後不作遲還計算)。
若客人冇提前預約歸還時間而要求我哋喺某一時間接收營具,我哋有權拒絕或保留收取港幣$100作臨時交收服務費。
若無法準時歸還者,請主動聯絡本店職員以商議歸還時間。
如果冇準時歸還又冇主動聯絡本公司嘅話,將按遲還日數為準,每日以正常價格租金之120%作為懲罰費用。
準時,係美德,亦係我哋對客人嘅承諾,
同樣地,我哋亦希望每位客人尊重及守時,
唔希望影響到每一位客人露營嘅心情同回憶。
所以我哋有以下規定:
如我哋未能夠喺約定嘅交收時間起計15分鐘內交收,
我哋將會賠償$20*俾嗰位客人(於退按金時支付)。
同樣地,為免影響下一位客人嘅交收時間,客人未能夠喺約定嘅交收時間起計15分鐘內交收,
我哋或會考慮收取$20*作為延遲交收服務費(於退按金時扣除)。
該服務費基本上只係用來賠償俾下一位客人。
(*遲15-29分鐘$20,遲30-44分鐘$40,以15分鐘為單位計算,如此類推…)
客人如果喺還貨嗰陣遲到超過1小時,本公司有權要求客人改喺第二日還貨,客人並且須要繳付多一日嘅全額租金。
當然,我哋明白會有特別情況令您遲左,
如提供到證明/有合理原因,
我哋都會等埋您交收同考慮豁免延遲交收服務費。
如果你喺出發露營前預計會風雲色變,
(天文台會發出雷暴/紅色/黑色暴雨警告/三號風球或以上)
可以喺出發日期前1日或以上同我哋申請改期,
個別情況請唔好怕醜,同我地聯絡!
最緊要係安全!!!!!!!!!!
申請成功之後,由當日起計第3日至3個月內可以用返你未用嘅租借服務,
當然啦,你想改嘅租借日期都要同我哋公司夾返再作安排,
呢個係彈性安排,希望大家都明白改期嘅困難。
歡迎隨時
/ (97869573)
(JoJo Camp 孖租營 – 野外/行山/露營用具 租借服務公司)
(jojocamp_hk)
搵我哋,我哋會盡快回覆你哋!